amalinks wokungena

Breaking News

I-Morocco Isihle Yavinjwa Ukungena kuFinal Yomncintiswano oweFIFA World Cup 2022


Qatar Soccer World Cup Match Moments France vs Morocco

Abanye bebekade bezitshela ukuthi amathuba akhona okuthi i-Morocco, inqobe laku final ukuze kube ngokwakuqala embalini yalinkezo ukuthi iqonde ezwekazi leAfrica, ngendlela leli qembu ebe lidlala ngayo lokhu usungulweyo lumncintiswano lonyaka.

Badanile okwamagama abezwekazi le Africa abakade bekhangelele ukuthi iqembu eleMorocco mhlawumbe lingangena kufinal yomncintiswano oweFIFA World Cup 2022.

Abanye bebekade bezitshela ukuthi amathuba akhona okuthi i-Morocco, inqobe laku final ukuze kube ngokwakuqala embalini yalinkezo ukuthi iqonde ezwekazi leAfrica, ngendlela leli qembu ebe lidlala ngayo lokhu usungulweyo lumncintiswano lonyaka.

I Morocco itshaywe 2 ka zero yi France, emdlalweni owesigabeni ese semi-final. Lokhu kutsho ukuba isizadlala leCroatia, ngoMgqibelo, amaqembu womabili esebanga indawo yesithathu somcnintiswano walonyaka.

Sokuzabake zindala zombili phakath kweFrance ukuthi izalondoloza linkezo eyayithatha ngomnyaka ka2018 kumbe isizakuya kwele Argentina, okuzakutshoke ukuthi iqembu eliyabe linqobile kufinal yilo elizaba kusibanga sakuqala elinqotshiweyo lisiba kusibanga sesibili.

Banengi abathike kungasake kuye ngasifudlana umdlali weArgentina uLionel Messi aphakamise inkezo yezizwe zomhlaba kumncintiswano oqhutshelwa eQatar, oweFIFA World Cup 2022.

Iqembu leArgentina lifinyelele kufinal ngemva kokunqoba eleCroatia nge 3 ka nya ngoLwesibili ntambama.

Owayengumgadli weqembu leHighlanders uTobias Mudyambanje uthi isifiso sakhe ngesokuthi umdlali olodumo emhlabeni jikelele uLionel Messi, ongukaputeni weqembu leArgentina athathe umhlalaphansi ngemva kokuphakamisa inkezo yezizwe zomhlaba.

“Kufinal kuzakuba lomunye umdlalo ongazake ubonakale kumidlalo yezizwe zomhlaba. Loba ngingoweAfrica kodwa ngihlonipha uMessi njalo ngibona angathi iArgentina yiyo engaphakamisa inkezo,” kutsho uMudyambanje.

Owadlalela iqembu leRailstars njalo osengumqeqetshi weqembu labasakhulayo eleThorngroove uMkhululi Dube ubethe yena esakhe isifiso ngesokuba kuhlangane amaqembu amatsha kufinal yalonyaka. Kodwake kungasenani iMorocco ize yahlohlwa yahle yanqotshwa ngele France emdlalweni owe semi-final odlalwe ngoLwesithathu.

Iqembu leFrance yilo eliphethe isicoco ngemva kokunqoba eleCroatia ngomnyaka ka2018.

Umdlalo wokugqiba umncintiswano uzadlalwa ngeSonto mhla zilitshumi lathoba minwe mbili kufinal.

Lawo azanqotshwa kumidlalo yesemi - final azadibana ngoMgqibelo kudingwa iqembu eliphutshe lisendaweni yesithathu.

Facebook Forum

XS
SM
MD
LG