Umongameli Volodymyr Zelensky wakwele Ukraine ukweleMelika lapho abonge khona lelilizwe ngokuphathisa ngezikhali kumpi yalo lele Russia.
UMongameli Joe Biden, obelomhlangano wamahola amabili lo Zelensky uthembise ukuthi elemelika lizaqhubeka liphathisa ele ukraine lize lingqobe empini.
UBiden uthi eleMelika saliphathise ele Ukranie ngoncedo olwedlula imali engamadola angamabhiliyoni angamatshumi amabili, $20 billion.
Wengezelele esithi usanda sayina uncedo olufika phose amabhiliyoni amabili amadola, $1.8 billion.
Wazise njalo ukuthi mpela elemelika lizathumela izikhali ezithiwa ngama Patriots ezokuzivikela kumabhomba athiwa ngama missile.
Uzelensky utshele idale le Congress ukuthi kuqakathekile ukuthi eleMelika liphathise ilizwe lakhe empini le ngoba ingaba ngeyomhlaba wonke.
UPutin uke wethusela esithi nxa elemelika lingapha ele ukraine izikhali lezi ezithiwa ngama Patriots bazazisola, okucatshangelwa ukuthi engaba esithi uzasebenzisa izikhala zombhubhiso eze nuclear.
Sixoxe lolandela ezombusazwe weleMelika, uMnu. Tim Muringai sambuza ukuthi uyambona na uPutin esebenzisa lezi zikhali?