amalinks wokungena

Breaking News

Abantu Abanengi Bathi Akusoze Kube Lenguquko Ekhanyayo eZimbabwe Ngomnyaka Ozayo


EZimbabwe ngesikhathi sekhefu leKhisimusi ...

WASHINGTON DC - Bayathandabuza abanye abantu eZimbabwe ukuba kungaba lenguquko kwezomnotho, ezombusazwe, ezemisebenzi lokusilela kwamandla kagesi ngomnyaka ka2023.

Abakubandla leZanu PF bathi uhulumende kaMongameli Emmerson Mnangagwa uzimisele ukuguqula impilo kazulu.

UMnu. Effie Dlela Ncube, olwela ilungelo likazulu, ngomunye wabathi akusoze kube lenguquko eZimbabwe ngomnyaka ozayo.

UNcube uthi akusoze kulungiswe uhlupho lokusilela kwamandla kagesi.

Lokhu kusekelwa nguMnu. Rejoice Ngwenya, ingcwethi kwezombusazwe ezimeleyo.

UNgwenya uthi akulalutho olubambekayo oluzakwenziwa nguhulumende kaMnangagwa.

UMnu. Msongelwa Ndlovu, isikhulumeli sebandla leZapu, uvumelana laye.

Uthi ibandla elibisayo lifuna ukubusa amadonki aze amile impondo.

Kodwa uMnu. Malaki Nkomo, okubandla leZanu PF, uthi uhulumende uzakwenzela uzulu akuthembise lonyaka.

UNkomo uthi okunye kumele uzulu ezenzele.

UMfundisi Useni Sibanda, okunhanganiso yeZimbabwe Christian Alliance, uthi kunengi okuzabhekana lozulu ngomnyaka ozayo.

Akwaziwa ukuba kuzakwenzakalani ngomnyaka ozayo ngesikhathi kulungiselelwa ukhetho olukhulu eZimbabwe.

Facebook Forum

XS
SM
MD
LG