amalinks wokungena

Breaking News

Amabandla Aphikisayo Azasusa eleZanu PF Embusweni Ngomnyaka Ozayo Na?


FILE: Abanye abantu abavota ngoNtulikazi eZimbabwe ngomnyaka ka2018.
FILE: Abanye abantu abavota ngoNtulikazi eZimbabwe ngomnyaka ka2018.

Abakumabandla aphikisayo bathi ibandla leZanu PF libathwalele ubhulo ngesikhathi kulungiselelwa ukhetho oluzakwenziwa ngomnyaka ozayo.

Bathi kabasavunyelwa ukukhankasa ngokuthula, ukwenza imihlangano lokunye okungenza ukuba besekelwe nguzulu.

0kwamanje kulamalunga amabandla aphikisayo aweMthwakazi Republic Party, eleCitizens Coalition for Change lamanye avalelwe entilongweni kulandela ukwetheswa kwawo amacala okutshotshozela udlakela.

Bathi konke lokhu kwenziwa libandla elibusayo elingafuni ukuba aphikisayo akhankasele ukhetho oluzayo emphakathini.

0Kodwa abanye abalandela okwenzakala eZimbabwe bathi amabandla aphikisayo amanikiniki ngakho-ke angeke esuse ibandla leZanu PF embusweni.

00Kuyini okungenziwa ngamabandla aphikisayo ngomnyaka ozayo okungenza ukuba enqobe kukhetho oluzayo?

0Ukuze sizwe okunengi ngodaba lolu, uGibbs Dube weStudio 7 loMfundisi Raphael Mthombeni, ocubungula ezombusazwe ezimele, loMnu. Kudzai Samaita, olandela ezombusazwe. UMthombeni uthi kumele amabandla aphikisayo akhulume okubambekayo ukuze asekelwe nguzulu.

USamaita ugcizelele esithi amabandla aphikisayo kumele alimuke ukuqhutshwa kokhetho ukwenzela ukuba anqobe ibandla elibusayo.

‚Äč
XS
SM
MD
LG