Inhlanganiso yababalisi, eye-Progressive Teachers Union of Zimbabwe ithi isilobele uhlangothi oluqatsha izisebenzi zikahulumende olwe-Public Service Commission, icela umhlangano lomqatshi izikolo zingakavulwa, ukuze kukhulunyiswane ngezithembiso azenzayo ngomnyaka udluleyo, ezingafezwanga.
Lezizithembiso zigoqela ukwengezelelwa iholo, ukwakhelwa izindlu zokuhlala, ukuhlawulelwa indleko zesikolo zabatwababo lokunye, I-Studio 7 ixoxe lesiphathamzndla salinhlanganiso esikhangelane lesabelo sako-Bulawayo, uMnu. Vusumuzi Mahlangu.
“Kuliqiniso ukubana sibhalile incwadi, sibhalela umqatshi, i-Public Service Commission, sayithumezelza futhi laku-Minister we-Public Service LO-Minister we-Education. Sikhangelele ukuthi incwadi le ithi silesifiso kakhulu ukuthi kube lokuhlangana, lokukhulumsana phakathi kwenhlanganiso ezimelele ababalisi lezinye izisebenzi zikahulumende, kukhulunyiswana ngendaba lezi eziphathelane lomsebenzi wababalisi lama-civil servants." Kutsho uMnu. Mahlanganu
Ngesikhathi singena emsakazweni, besilokhe silindele ukuzwa kumngcinisihlalo we-Public Service Commission. Kodwake uMnu. Taungana Ndoro, isikhulumeli sogatsha olubona ngezemfundo, utshele i-Studio 7 ukuthi kuliqiniso ukubana abenhlanganiso ye-PTUZ babhalele i-PSC incwadi becela ukukhulumisana ngesimo sokusebenza kawababalisi, kodwa uphikile ukuba ababalisi basonela ukukhalala umsebenzi nxa uhulumende engafezanga izithembiso zakhe.
Kolunye udaba, eyinye yenhlangansio zababalisi, i-Amalgamated Rural Teachers Union of Zimbabwe – ARTUZ, yona elobe enkundleni yokuxhumana eye-Twitter, inxusa izizalwane ze-Zimbabwe ukubambana zitshengisele ngolweSihlanu . Linhlanganiso layo ikhonona ngokungathembeki kukahulumende, owathembisa inhlawulo yamadola eMeleki aphezu kwamakhulu amahlanu – US$540.
