Amagqwetha Alwela Amalungelo Oluntu Akhathazekile Ngokwanda Kwezehlakalo Zokubotshwa Kwabantu BeCCC Mahlayana

Amagqwetha alwela amalungelo oluntu athi akhathazekile ngokwanda kwezehlakalo zokubotshwa kwabantu mahlayana elizweni, ikakhulu abasekela ibandla leCCC.

Lokhu kulandela ukubotshwa kwamakhansila alelibandla amabili ngoLwesithathu eHarare uMnu Hebert Gomba, omela uWard 27 loMnu Lovemore Makuwerere okaWard 25. UGomba uphange wakhululwa kungelacala alethesiweyo.

UMakuwerere yena wetheswe icala lokuziphatha ngobudlwangudlwangu ngemva kokumela abaphila ngokuthengisa ekade behlukuluzwa ngamapholisa.

Ukhululwe laye ngemva kokuhlawuliswa imali yefayindi.

Ukubotshwa kwababili laba kuza ngesikhathi umeli weZengeza West uMnu Job Sikhala, laye olilunga leCCC, elokhe evalelwe eChikurubi Maximum Prison, lapho asefikise khona inyanga phose eziyizikhombisa evalelwe.

Sixoxe legqwetha elilwela amalungelo oluntu uMnu Kossam Ncube, obemela ukhansila Makuwerere. Uqale ngokuchasisa ngokubotshwa kwalukhansila.

Embed share

Ingxoxo loMnu. Kosam Ncube.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:01 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala