amalinks wokungena

Breaking News

Amapholisa Acela Ukudlulisela Phambili Uhlelo Lokududula Abathengisa Ezitaladeni


 Abathengisa ezitaladeni ze Harare becela enyaweni sebebone amapholisa. (Picture: Columbusa Mavhunga)
Abathengisa ezitaladeni ze Harare becela enyaweni sebebone amapholisa. (Picture: Columbusa Mavhunga)

Inkundla yobulembu eye Cite ithi isiphathamandla sikamasipala, uSikhangele Zhou wazise ukuthi amapholisa acele ukuthi loluhlelo limiswe ukuze kuqale kuzwakale impumela yomhlangano oqhutshwe ngabezomvikela lomphathintambo obona ngendaba zakoBulawayo ngaloludaba

Uhlelo lukamasipala lokuxotsha abaphila ngokuthengisa ezitaladeni ezisenzikini yedolobho lakoBulawayo obelumele lwenziwe izolo lucine lungasaqhutshwanga ngemva kokuba amapholisa ecele ukuthi ludluliswelwe phambili.

Inkundla yobulembu eye Cite ithi isiphathamandla sikamasipala, uSikhangele Zhou wazise ukuthi amapholisa acele ukuthi loluhlelo limiswe ukuze kuqale kuzwakale impumela yomhlangano oqhutshwe ngabezomvikela lomphathintambo obona ngendaba zakoBulawayo ngaloludaba.

Ikhansili yakoBulawayo izama ukududula abaphila ngokuthengisa ezitaladeni laba ngoba isithi sebegcwele enzikini yedolobho njalo benza kube yisixhobexhobe kakhulu.

Abaphila ngokuzisebenza abanengi babekhangelele ukuthola indawo zokusebenzela Egodini Mall, kodwa sokuleminyaka lindawo isakhiwa ingapheli.

Sixoxe lesiphathamandla senhlanganiso yabazisebenzayo eyeBulawayo Vendors and Traders Association uMnu Aleck Ndlovu.

please wait

No media source currently available

0:00 0:03:02 0:00

XS
SM
MD
LG