amalinks wokungena

Breaking News

Ikhansili Yako-Bulawayo Ipha Abaswelayo Ukudla Lempahla Okuvela Kuhleo Lwe-Mayor's Christmas Cheer Fund


BULAWAYO MAYOR HANDS OVER FOOD AND CLOTHING FROM THE MAYOR'S CHRISTMAS CHEER FUND TO THORNGROVE HOSPITAL STAFF
BULAWAYO MAYOR HANDS OVER FOOD AND CLOTHING FROM THE MAYOR'S CHRISTMAS CHEER FUND TO THORNGROVE HOSPITAL STAFF

Bekuyinjabulo enkulu NgoLwesihlanu koBulawayo, lapho izakhamizi lenhlanganiso ezizimeleyo abaphiwe izipho zokudla lempahla e-Small City Hall.

Namuhla ikhansili yako Bulawayo, iphe abaswelayo izipho zokudla lempahla ehlukeneyo ngaphansi kohlelo lwe-Mayor's Christmas Cheer Fund.

Bekuyinjabulo enkulu NgoLwesihlanu koBulawayo, lapho izakhamizi lenhlanganiso ezizimeleyo abaphiwe izipho zokudla lempahla e-Small City Hall.

Ekhuluma ngemva kokwebalela lezi zipho, uMayor wako Bulawayo uKhansila Solomon Mguni, ubonge kakhulu amankampani abelule izandla besipha izipho zemali, ukudla lempahla.

“Sathola amadola eMelika adlula inkulungwane ezine lamadola akuleli phose ayizigidi ezintathu, ukudla lempahla, senelisa ukusiza inhlanganiso ezilitshumi lantathu lezakhamizi ezedlula inkulungwane eyodwa. Siyabonga bonke abathe belula izandla besipha.”

Ilunga lekhomithi ebona nge-BCC Mayor's Christmas Cheer Fund, uNkosikazi Louise Mguni-Madlala, uthe lanxa bekunzima ngomnyaka odluleyo, amankampani akoBulawayo azamile.

“Lamhlanje kubelilanga elihle lapho esiphe khona ukudla, lempahla kuzakhamizi ezimbalwa, lobanje bekunzima kumankampani ukuthi bathole inzuzo kumabhizimisi abo.”

UNkosazana Kearabile Nare, oyamukele impahla emele iNtembeni Old People’s Home, ubonge kakhulu esithi kuzanceda amakhehla lezalukazi abazigcinileyo.

“Siyabonga ngezipho esizithole lamhlanje. Zizanceda kakhulu abazali esihlala labo.”
UMajor Dominican Nkomo owebandla le-Salvation Army, laye uveze injabulo enkulu ngesipho abasitholileyo.

“Siyabonga kakhulu ngesipho esisithole lamhlanje kuyinto enhle ngoba sihlala sincedwa yikhansili.”

please wait

No media source currently available

0:00 0:02:37 0:00
XS
SM
MD
LG