Amalunga ebandla le CCC abotshwe esenza umhlangano endlini welinye lamalunga eHarare ngoMgqibelo azamiswa emthethwandba namuhla.
NgoMgqibelo amapholisa abophe unobhala oqoqa inhlelo ze CCC, uMnu. Amos Chibaya labasekeli bebandla abangamatshumi amabili lane, 24 besithi kabacelanga mvumo yokwenza lokhu.
Abantu laba kade bebuthene emuzini kammeli we Budiriro edale lephalamende, uMnu. Costa Machingauta, laye obotshiweyo.
Umthetho awuvimbi abantu ukwenza umhlangano endlini kodwa kungelani lalokho amapholisa ababophile. Bakhangelelwe ukuthoniswa namuhla.
Igqwetha labo uMnu. Kudzayi Kadzere, litshaywe kabuhlungu ngamapholisa laze lephuka ingalo ngomgqibelo lisiya babona.
UPraxedes Jeremiah we Studio Seven uxoxe legwetha lika Kadzere, uNkosikazi Nontokozo Dube Tachiwona.
