amalinks wokungena

Breaking News

Uze Wabotshwa uJaison Muvhevhi Owadubula Wabulala Abantu Abathathu


Jaison Muvhevhi

Umbiko owethulwe ngamapholisa uthi uMuvhevhi ubotshwe esengena kwele Mozambique emngceleni walelo lizwe leZimbabwe.

Washington DC..............

Owake wasebenza kuhlangothi lwamapholisa asebenza nsita olwe CID, uJaison Muvhevhi, owetheswa icala lokubulala abantu abathathu abagoqela isiphathamandla samapholisa eWedza esigabeni seMashonaland East, ubikwa esebotshiwe ngamapholisa aweMozambique namhlanje ekuseni esengenile kulelo lizwe ebalekela amacala akhe.

Umbiko owethulwe ngamapholisa uthi uMuvhevhi ubotshwe esengena kwele Mozambique emngceleni walelo lizwe leZimbabwe.

Imifanekiso yamavideo ephuma ezinkundleni zokuxhumana ibikwa iveza uMuvhevhi ebotshwa ngentambo ngabeMozambique. Imizamo yokukhulumisana lesikhulumeli samapholisa aweZRP uAssistant Commissioner Paul Nyathi ngaloludaba yehlule njengoba ube engadobhi ucingo lwakhe.

Embikweni munye amapholisa aveze amagama abantu abadutshulwe babulawa nguMuvhevhi ngeviki edluleyo Ngolwesihlanu. Laba bantu ngabathu uMnu. Crispen Mubvana Kanerusine, obeleminyaka engamatshumi ayisithupha lambili okuzalwa-62, obedabuka emangweni kaSobhuku Zinzombe eWedza, u-Inspector Maxwell Hove owenkambeni yamapholisa eWedza kanye lomnumzana Munashe Mujanhi obe leminyaka engamatshumi amabili, wasemangweni weMujanhi khonale eWedza. Kulompolisa oyedwa owadutshulwa walimala kakubi uDetective Constable Tendai Mugova.

Facebook Forum

XS
SM
MD
LG