Amalunga ebandla le CCC abotshwe esenza umhlangano ngoMgqibelo akhala ngokuhlukuluzwa esestokisini encitshwa ukudla.
Amalunga la, awetheswa icala lokwenza umhlangano kungelamvumo, angamatshumi amabili lanhlanu.
Abemiswe emthethwandaba izolo njalo akhengelelwe ukubuyela namuhla lapho azacela ukuhlawuliswa imali yesibambiso. Okunengi asikuzweni kuntathelizindaba yestudio seven uMavis Gama ese Harare.
Igqwetha labantu laba, uMnu. Kudzai Kadzere obikwa watshaywa ngamapholisa ngeSonto ezama ukuyammela ababotshiweyo laba, ubikwa ehlinziwe esandleni ngoMvulo ukuthi asile, njalo ulokhe esesibhedlela.
UNkosikazi Nontokozo Dube-Tachiona, igqwetha elimela uMnu. Kadzere, uthi bazamangalela amapholisa ngaloludaba, ukwenzela ukuthi ahlawulwe.