amalinks wokungena

Breaking News

Kuqhamuka Ukufuthelana Phakathi Kwebandla Le-ZANU-PF Lekhansili Yako-Bulawayo


Bulawayo CBD mess caused by Vendors

Ikhansili isungule umkhankaso obizwa ngokuthi yi-Spring Cleaning Week ngeviki ephelileyo ifuna ukuxotsha bonke abathengisayo ngaphandle komthetho ngoba beletha ingcekeza kodwa yahle yavinjwa ngabebandla leZanu PF.

Sokuqhamuke ukufuthelana phakathi kwebandla leZanu PF lekhansili yako Bulawayo ebifisa ukususa bonke abantu abathengisa impahla okungekho emthethweni enzikini yedolobho leli. Ibandla elibusayo lithi akumelanga abantu laba besuswe ngoba bathola imali yokuziphilisa elizweni elibhakane lokuswelakala kwemisebenzi kanye lokugugudeka komnotho.

Ikhansili isungule umkhankaso obizwa ngokuthi yi-Spring Cleaning Week ngeviki ephelileyo yahle yavinjwa libandla leZanu PF. Inkokheli yebandla leZanu PF ku-Green District, ekhangelani loBulawayo uMnu. Tendai Charuka uthi laba abathengjsa okungekho emthethweni abayindawo ngoba akulamisebenzi. Uthi njalo uCharuka ibandla lakhe lisebenzela uzulu waleli dolobho njalo liyanqoba kukhetho oluzayo.

"ZANU PF is going to win massively in Bulawayo. All these people now they have realised that the opposition is not doing anything to them like right now as we are saying the council which these people voted for them the councilors and the Mayor ,they are the ones who are advocating them to go and stay at home not to work and look at what the President has done already, the President have exceeded what we expecting he is going to do. So people in Bulawayo they now love the President and the President loves Bulawayo that's why you see the President is always here, and all these people they have promised that they are going to vote for President E.D. Mnangagwa.

Inengi lithi I-Zanu PF ikhanya ifuna ukusebenzisa lumumo ukuthola amavoti kukhetho lwalonyaka. Umsekeli ka-Mayor wakoBulawayo u-Councillor Mlandu Ncube usola kakhulu okwenzakala koBulawayo.

"Lokho okwenzakala edolobheni okokungcolisa idolobho yinto embi sibili ungakhangela abantu bakwenza becatsha ngamabandla ezombusazwe , kakhulu basebenzisa ibizo lebandla le-ZANU PF. Inhlelo zisegcekeni esizazenza ngolweSithathu ezoku-cleaner lezokuhambisa okumele beyelapho kulezo ndawo. Sesibanike njalo ithuba lokuthi bevume ukulandela umthetho kungela kuhlukumezana, kodwa bengaqhubeka bengalaleli, hayi kuzaba lokuhlukumezana ngoba idolobho ngelethu alilani lamabandla ezombusazwe.

Omunye wabaphila ngokuthengisa, uMnu. Tapiwa Mubirimi uthi i-Zanu PF iqondile ngoba kungela eyinye indlela abangaphila ngayo.

"Siyalisekela ngoba lapha yikho lapha esiphila khona thina. Nginje so, angisebenzi; impilo yami ngiyikhangelele khonapha ngithengisela khona khonalapha. Bayabe besincede kakhulu ngoba akula lapha esingaqonda khona thina, yikho lapha esithembe khona khonapha. Thina njengabantu abazithengiselay, asisela okuncane okokukhipha ama-2 rand okuhamba e-toilet. Silendawo lapha esihamba khona, amanzi siyacela khonapha kubomakhelwane bethu esisebenza labo abalama-building khonala."

UNkosikazi Charity Masango laye ophila ngokuthengisa uthi ayisibo abangcolisa idolobho njengalokho okutshiwo ngabekhansili.

"Siphume siyengaphi into zinzima kangaka? Asilakudla, asilamali, asilani. Singaphuma emgwaqweni sizakuya nga? Nge-lockdown saphosa safelwa ngabantwana, saku-accepter ngoba bekungumkhuhlane, khathesi asisoze siphume, ngoba akusela-lockdown- akuselani: Kufanele sisebenze. Thina asingcolisi. Akubuyi phela imota zama bin ezizothwala izibi. Kufanele basinike imota ezithwala izibi abe City Council. Siminyene ngoba wonke umuntu ulodubo, so wonke umuntu ubuya sizominyana kuphela ngoba edinga ukuphilisa abantwana."

UMnu. Khumbu Mabaso isakhamuzi sakoBulawayo, uthi ibandla leZanu PF libuye lamaqhinga ayangisayo okudinga amavoti ebantwini abazihluphekelayo, abaphila ngokuthengisa emigwaqweni.

"Bangcolisa idolobho lethu elihle kangaka becabanga ukuthi ama-vendors ayavota. Manje abantu bakoBulawayo inja ingazala umuntu! Ngeke bavotela iZanu, so lokhu abakwebzayo yikuzimotshela isikhathi. I-City Council ayisebenzise i-ZRP ukuxotsha abantu laba bokuza abangcolisa idolobho ngoba bengayekelwa bazenza kubelemikhuhlane."

Ikhansili yakoBulawayo ithi izaqhubekela phambili ithanyela njalo ikhipha abathengisayo ukuze leli dolobho lihlanzeke njalo bazasebenzisa umthetho ukuvimba ibandla le Zanu PF eselidinga ukugcwalisa abantu abangelamvumo yokuthengisa koBulawayo.

please wait

No media source currently available

0:00 0:04:15 0:00

Facebook Forum

XS
SM
MD
LG