Abalwela amalungelo oluntu bathi baqoqa uluhlu lwamabizo alabo abalahlekelwe zimpahla bebadingele usizo kulandela ukutsha kwendawo lapho abakade besebenzela khona; eMpopoma Outspan Association Factory, eyazakalo ngokuthi yi “Spamprekini,” izolo.
Bekukhandwa amasofa, imibheda, lokunye okunengi-nengi kulindawo njalo kubikwa bekulabantu abafika phose amakhulu amabili, abanye besebenza ngokusemthethweni kodwa abanye bezisebenzela-nje bengelamvumo.
UMnu. Stanslous Dube, umgcinisihlalo weMpopoma leMatshobana kunhlanganiso yeBulawayo Progressive Residents Association, uchasisela uSithandekile Mhlanga weStudio 7 okunengi ngaloludaba.
