amalinks wokungena

Breaking News

Belokhe Bengakabotshwa Abacatshangelwa Ukuthi Ngabe Zanu PF Abadala Udlakela eInsiza leMatopo NgoMfunfu Nyakenye


U-Senator Khaliphani Phugeni evatshela omunye wabatshaywa eInsiza esibhedlela.

Ibandla leCitizens Coalition for Change lithi llikhathazekile ngokuthi amapholisa alokhe engabophi abacatshangelwa ukuthi ngabebandla leZANU PF ababangela udlakela eInsiza leMatopo ngenyanga ka Mfumfu ngomnyaka odluleyo kulungiselelwa ukhetho lwama by-elections kulindawo.

Imizamo yokukhuluma ngaloludaba lamapholisa kuleso isigaba kumbe isikhulumeli sawo uMnu. Paul Nyathi, ukuze sizwe ingcazelo yabo yehlule.

UMgcinisihlalo webandla leCCC eMatabeleland South uMnu. Ntando Ndlela utshele uSithandekile Mhlanga weStudio 7 ukuthi kuyamangalisa ukuthi ababangela udlakela phose olufanayo eMurewa babotshwa kodwa abesigabeni sakhe, inengi elicatshangelwa ukuthi babengabokuza, bayekelwa.

Udlakela lolu lusanda ukuqhamuka, umgcinisihlalo weMatabeleland South kubandla leZANU PF uMnu. Mangaliso Ndlovu watshela iStudio 7 ukuthi akucacanga ukuthi ngamalunga ebandla lakhe abangela loludlakela njalo kufanele abantu babekezele amapholisa aze aqede ukuphenya loludaba.

please wait

No media source currently available

0:00 0:03:41 0:00

Facebook Forum

XS
SM
MD
LG