WASHINGTON DC - Amabandla aphikisayo athi akhathele yikuhlukunyezwa nguhulumende kaMongameli Emmerson Mnangagwa, obopha mahlayana amalunga ebandla leCitizens Coalition for Change, iMthwakazi Republic Party lamanye.
Konke lokhu kwenzakala ngesikhathi eleZimbabwe lilungiselela ukhetho oluzakwenziwa lonyaka.
Kulabanye abathi akusoze kuqhutshwe ukhetho olukhululekileyo lonyaka njengoba abaphikisayo bevinjwa ukuba benze imihlangano yokukhankasela ukhetho lolu.
UMnu. Fortune Mlalazi, osekela ibandla leCCC, uthi kuzwisa usizi okwenzakala eZimbabwe.
Kodwa uMnu. Freedom Murechu, owebandla leZanu PF, uthi ngamanga ukuthi uhlulumende kaMnangagwa ukhahlameza uzulu, ikakhulu amalunga amabandla aphikisayo.
UMurechu uthi abakumabandla aphikisayo bephula imithetho ukwenzela ukuthola usekelo emazweni asetshonalanga, afakela inkokheli yebandla leZanu PF izijeziso zenotho.