amalinks wokungena

Breaking News

Uhulumende Uthi Uqakathekisa Inhlelo Zokwakha Amadamu, Ukuhiqiza Umquba, Lokuthelezela Ukwenzela Ukuthi Abantu Bethole Ukudla Okweneleyo


UMongameli Emmerson Mnangagwa
UMongameli Emmerson Mnangagwa

Umongameli Emmerson Mnangagwa utshele umhlangano ocubungula ngokuphathelane lokudla kuzwekazi leAfrica oweFeed Africa Summit ngoLwesithathu ntambama ukuthi eleZimbabwe liqhubeka kuhle ngenhlelo zalo zokulima, ezigoqela ezokuthelezela.

Uthe ilizwe leZimbabwe seliqakathekisa inhlelo zokuthi lithole amanzi eneleyo, lakhe amadamu njalo lizilimele umquba ngendlela yokuthuthukisa lezi inhlelo.

Phambilini kwamazwi akhe, umongameli Macky Sall weSenegal uvule ngokusemthethweni lumhlangano njalo wathi inhlelo zokwaba umhlaba ziqakathekile ukufeza injongo yokuthi kube lokudla okweneleyo kuzwekazi leAfrica.

Uthe kubalulekile ukuthuthukisa abalimi abasacathulayo kunhlelo zemali ukwenzela ukufeza linjongo.

Kulumhlangano, bekulabakhokheli bamazwe akuzwekazi leAfrica, njalo umongameli Mnangagwa ukhatshwe ngabaphathintambo bogatsha lukahulumende olubona ngobudlelwano lamanye amazwe kanye lolwenhlelo zemali oMnu. Frederick Shava, loMthuli Ncube ngokulandelana kwabo.

Umongameli Mnangagwa engakakhulumi kulumhlangano, sixoxe loMnu. Mandla Nkomo, ingcwethi ecubungula ezokulima ngokuqakatheka kwalumbuthano kanye langenhlelo zokulima eZimbabwe.

please wait

No media source currently available

0:00 0:08:02 0:00

‚Äč
XS
SM
MD
LG