amalinks wokungena

Breaking News

Badlela Evalweni Abalamaphepha eZimbabwe Exemption Permit


FILE - Abadabuka eZimbabwe bazama ukulungisa amaphepha okuhlala lokusebenza kwele South Africa.
FILE - Abadabuka eZimbabwe bazama ukulungisa amaphepha okuhlala lokusebenza kwele South Africa.

WASHINGTON DC - Banengi abadabuka eZimbabwe abahlala kwele South Africa abalakho ukwehluleka ukulungisa amaphepha okuhlala lokusebenza kulelolizwe kusiyafika umhlaka 30 Nhlangula lonyaka.

Abantu laba balamaphepha aweZimbabwe Exemption Permit okumele alungiswe ngokutshetsha. EleSouth Africa lamisa uhlelo lolu kulandela ukukhonona kwabantu elizweni abathi bathathelwa imisebenzi ngabantu bokuza.

UMnu. Ngqabutho Mabhena, umgcinisihlalo wenhlanganiso yeZimbabwe Community in South Africa, uthi ibandla elibusayo kwele South Africa likhanya lingasathakazeleli abadabuka eZimbabwe ngakho-ke lilakho ukubumba umthetho ozavimba ukusetshensiswa kwemitshado kwezikunika abokuza amaphepha okusebenza kulelolizwe.

UMabhena uthi banengi abadabuka eZimbabwe abangenelisi ukulungisa amaphepha amatsha.

EleSouth Africa lizamisa uhlelo lweZimbabwe Exemption Permit ngoNhlangula.

Abangasoze benelise ukuthola amaphepha le bazabiselwa ngenkani eZimbabwe.

Kulabantu abazinkulungwane ezilikhulu phose lamatshumi ayisitshiyangalombili – 187,000 abaphansi kohlelo lolu.

XS
SM
MD
LG