amalinks wokungena

Breaking News

Abaphikisayo Bathi uMnangagwa Ulakho Ukuphekapheka Akwethulelwe yiZEC Okumumethe Imingcele Yokuvota eZimbabwe


UJustice Priscilla Chigumba wekhomishini yeZimbabwe Electoral Commission ngesikhathi enika uMongameli Emmerson Mnangagwa ugwalo olujulileyo olweDelimitation Report ngeviki ephelileyo.
UJustice Priscilla Chigumba wekhomishini yeZimbabwe Electoral Commission ngesikhathi enika uMongameli Emmerson Mnangagwa ugwalo olujulileyo olweDelimitation Report ngeviki ephelileyo.

Abantu abanengi bathi bamelele ukubona ukuba uzakwenzani uMongameli Emmerson Mnangagwa, osenikwe ugwalo olujulileyo oluhlolisiswe yiZimbabwe Electoral Commission olweDelimitation Report.

Abanye bathi akumelanga akwenze kube ngumthetho welizwe okusegwalweni lolu kube labanye njalo abathi kumele uMnangagwa avumelane lokudwetshwa kwemigcele emitsha yokuvota eyenziwe yiZEC.

Abanye njalo bathi abakwazi ukuba kumele uMnangagwa athathe nyathelo bani.

UMnu. Prince Dubeko Sibanda, okukhomithi yedale lephalamende eyahlolisisa ugwalo lwePreliminary Delimitation Report, uthi uMnangagwa akumelanga aguqule okusegwalweni lolu okwethulwe yiZEC.

UMnu. Believe Gaule, okubandla leZanu PF, uthi akwaziwa okuzakwenziwa nguMnangagwa.

Kasenelisanga ukukhuluma leziphathamandla zikahulumende.

UMnu. George Charamba, osebenza ewofisini kamongameli labaphathintambo bakahulumende, utshele iphephandaba leSunday Mail, ukuba uMnangagwa unikwe yiZEC idraft hatshi ifinal report.

‚Äč
XS
SM
MD
LG