amalinks wokungena

Breaking News

U-Bulawayo Ukhala Ngemigwaqo Esimadlephudlephu Ibulala Izimotha


Bulawayo terrible road conditions
Bulawayo terrible road conditions

“Udubo esilalo yikuthi izimota zihamba emigwaqweni yethu kodwa ayilungiswa njalo iZinara ayilethi imali yokulungisa imigwaqo ngesikhathi, kungcono ukuhlawulwa kwemithelo yezimota kuphenduke kukhansili ngoba iZinara iyehluleka,” kutsho umsekeli kaMeya wakoBulawayo

Bulawayo.................

Uhlangothi olulawula ngemithelo yezimota lokulungiswa kwemigwaqo olweZimbabwe National Road Authority-Zinara lucalwa yikhansili yakoBulawayo lezakhamizi zaleli dolobho ngokwehluleka ukulungisa imigwaqo lokupha ikhansili imali yokulungisa imigwaqo. IZinara iphinde yakhuphula inhlawulo yokusetshenziswa kwemigwaqo kumaToll Gate uzulu azibuzakhona ukuba imali ebuthaniswa lapha ayihambelani lesimo semigwaqo ezweni jikelele.

lmigwaqo yakoBulawayo imadlephudlephu abezimota labahamba ngenyawo bathwele nzima ngamagodigodi asemigwaqweni kungaba semalokitshini ngitsho lasenzikini yedolobho.

Isakhamuzi sakoBulawayo uNkosikazi Nokuthaba Matshazi ngomunye wabakhala ngobubi bale migwaqo.

“Imigwaqo ayihambeki ingamagodigodi ungatshayela kubi insimbi zemota zilakho ukuqamuka ngesinye isikhathi lemota ziyawa sicela uhulumende alungise imigwaqo ngoba siyathela imigwaqo lamaToll Gate siyabhadala imali yakhona iyangaphi.”

UMsekeli kaMayor wakoBulawayo uMlandu Ncube uthi sebelungiselela ukumangalela iZinara ngoba ingabaphi imali yohlelo lweEmergency Road Rehabilitation Fund ngesikhathi.

“Udubo esilalo yikuthi izimota zihamba emigqmwaqweni yethu kodwa ayilungiswa njalo iZinara ayilethi imali yokulungisa imigwaqo ngesikhathi kungcono ukuhlawulwa kwemithelo yezimota kuphenduke kukhansili ngoba iZinara iyehluleka.”

UMabhalane weBulawayo Progressive Residents Association uMnu Thembelani Dube ugcizelela okutshiwo nguNcube.

“Silodubo ezweni iZinara iyathatha isikhathi ingaphanga amadolobho imali yokulungisa imigwaqo ithi mhla iyikhupha iyabe ingasela sisindo buye lemigwaqo ayisahambeki ngoba isikwsikhathi ingalungiswa ngenxa yokusilela kwemali.”

Olwela amalungelo oluntu uMnu Effie Ncube usola ukusebenza kweZinara ethi imithelo ebuthaniswa koBulawayo eyemigwaqo inengi kodwa iphenduka ukuzolungisa imigwaqo isiyingcosana.

“Zonke ingatsha zikaHulumende ezazisezandleni zekhansili kumele zibuyele ngoba iZinara iyehluleka ukulungisa imigwaqo lokupha amakhansili imali yokulungisa imigwaqo bathatha imali enengi kodwa uma isiphenduka iyabe is incase futhi ingasela sisindo”

Isikhulumi seZinara uMnu Tendai Mugabe uthi bona bayakhupha imali yokulungisa imigwaqo kodwa abazi ukuthi kungani ugatsha lwezemigwaqo lusehluleka ukulungisa imigwaqo koBulawayo ngoba kunyanga edlule kulemali ephumileyo yokulungisa imigwaqo abayinikeze amakhansili aphose afike ikhulu-93 elizweni lonke, eyizigidi ezedlula amakhulu amabili lengxenye amadola e Zimbabwe – ZW$266million.

please wait

No media source currently available

0:00 0:03:59 0:00
XS
SM
MD
LG