amalinks wokungena

Breaking News

Kuyaxokozela eZimbabwe Okulungiswa Izigaba Zokuvota


UJustice Priscillah Chigumba
UJustice Priscillah Chigumba

Amabandla aphikisayo eZimbabwe athi uMongameli Emmerson Mnangagwa akumelanga aguqule ngitsho lakancane ugwalo olumumethe izigaba ezintsha zokuvota – olweDelimitation Report -- alunikwe yiZimbabwe Electoral Commission ngeviki ephelileyo.

Abaphikisayo bathi sokuxokozela kulandela ukunikwa kuka Mnangagwa ugwalo lolu yiZEC. Abanye abaphathintambo bakahulumende kubikwa ukuba bafuna uMnangagwa aguqule ezinye iziqa zeDelimitation Report ayinikwe yiZEC ngeviki ephelileyo.

Abaphikisayo bathi uMnangagwa uyabe seyephule isisekelo sombuso welizwe engakwenza lokhu. Kasenelisanga ukuxoxa ngodaba lolu leziphathamandla zikahulumende.

UMnu. Prince Dubeko Sibanda, okukhomithi ehlolisise ugwalo olujululeyo olwePreliminary Delimitation Report, othi uMnangagwa akumelanga aguqule akwethulelwe yiZEC.

UMnu. Believe Gaule, owebandla leZanu PF, uthi akwaziwa ukuba uzakwenzani uMnangagwa ngogwalo lolu olujilileyo olwemingcele yokuvota.

XS
SM
MD
LG