amalinks wokungena

Breaking News

Abantu Bakhonona Ngokwenziwe nguMnangagwa Ohambe Lendodana Yakhe loTagwirei Kwele Equatorial Guinea


UMongameli Emmerson Mnangagwa loMongameli Teodoro Obiang Nguema Mbasogo wakwele Equatorial Guinea. (Umfanekiso: Ministry of Information)
UMongameli Emmerson Mnangagwa loMongameli Teodoro Obiang Nguema Mbasogo wakwele Equatorial Guinea. (Umfanekiso: Ministry of Information)

WASHINGTON DC - EleZimbabwe lele Equatorial Guinea kubikwa ukuba aselobelane izivumelwano ezimbalwa, ezigoqela ukwemba amatshe aligugu, ezokulima, ukwethekelela ezemvelo lokunye.

UMnu. Nick Mangwana, umabhalane omkhulu kuhlangothi lukahulumande olubona ngokwethulwa kwemibiko, wethule umbiko lo namuhla enkundleni yokuxhumana eyeTwitter esithi uMongameli Emmerson Mnangagwa loMongameli Teodoro Obiang Nguema Mbasogo balobelane izivumelwano lezi ngesikhathi uMnangagwa esethekelela ilizwe leli.

UMnangagwa, olensuku ezimbili ekwele Equatorial Guinea, wahamba kulelolizwe leziphathamandla zikahulumende ezimbalwa, indodana yakhe uMnu. Emmerson Mnangagwa Junior kanye losomabhizimusi uMnu. Kudakwashe Tagwirei.

Ababili laba betheswa izijeziso zenotho ngele Melika elithi benza ubukhohlakali obesabekayo. Kasenelisanga ukukhuluma loMnangagwa Junior kanye loTagwirei ngodaba lolu.

Bayakhala abantu eZimbabwe ngezivumelwano lezi abathi ngezika Mnangagwa, izihlobo zakhe labangane hatshi uzulu.

UMnu. Fortune Mlalazi, olandela ezombusazwe, uthi uMnangagwa wenza santando eZimbabwe.

UMnu. Joseph Tshuma, okudale leCentral Committee kubandla leZanu PF, uthi akulandaba ukuba uMnangagwa uhambe lendodana yakhe kanye loTagwirei kwele Equatorial Guinea.

‚Äč
XS
SM
MD
LG