Isiphathamandla sogatsha lwabatshutshisi, uMnu. Tawanda Zvekare uthi umkhokheli wenhlanganiso yabembi be golide, uNkosazana Henrietta Rushwaya kalacala lokuzama ukususa igolide elizweni ngomnyaka ka 2020.
URushwaya wabotshwa egcekeni lendizamtshina yeHarare ezama ukuphuma elizweni legolide elilesisindo esingama kg ayisithupha wavalelwa estokisini okwalangama ambalwa.
Iphephandaba lobulembu ele Zimlive.com libika ukuba owayengumphathimbo wogatsha lwezisebenzi zikahulumende, olwe Public Service, uNkosikazi Prisca Mupfumira owayesetheswa icala lokutshontsha imali eyizigidi ezifika phose ikhulu, $95 million kalacala ngoba kungelabufakazi bokuthi wephula umthetho.
NgoMvulo icala elalisetheswa omela isigaba se Gokwe Nembudziya, uMnu. Justice Meya Wadyajena elokutshaphaza imali eyizgidi ezinhlanu, $5 million lilahlelwe khatshana ngoba kuthiwa akulabufakazi.