amalinks wokungena

Breaking News

Amapholisa Athi Asebophe Abangu 2 175 Abathengisa Kumbe Ukusebenzisa Izidakamizwa Kumkhankaso Wabo


Amapholisa ko Bulawayo
Amapholisa ko Bulawayo

Amalunga ebandla leZANU PF atshele iStudio 7 ukuthi leli linyathelo elihle ngoba lizakhuthaza abatsha ukuthi bezithuthukise kwezomnotho.

Imikhankaso yokuqeda ukusetshenziswa kwezidakamizwa iyaqhubeka elizweni njalo amapholisa athi asebophe abantu abafika inkulungwane phose elamakhulu amabili; 2175 elizweni jikelele abathengisa kumbe abasebenzisa okudakayo kumkhankaso osanda ukusungulwa.

Lokhu kwenzakala uhulumende esithi uqoqa umkhosi omkhulu ozaqhutshwa ngeviki ezayo mhlaka 21 kuyonale inyanga eLupane lapho okuzathi gwaqa abatsha abavela kuzigaba zonke zelizwe, kanye lomongameli Emmerson Mnangagwa, becubungula amaqhinga okwenqabela ukusetshenziswa kwezidakamizwa, osokubhahile elizweni.

Amalunga ebandla leZANU PF atshele iStudio 7 ukuthi leli linyathelo elihle ngoba lizakhuthaza abatsha ukuthi bezithuthukise kwezomnotho.

Kodwa uMnu. Tinashe Kambarami, ongumgcinisihlalo wogatsha lwabatsha kubandla leCitizens Coalition for Change koBulawayo, utshele uSithandekile Mhlanga weStudio 7 ukuthi kufanele uhulumende akhuphule umnotho welizwe kuqala.

Uhulumende uhlezi egcizelela ukuthi ulenhlelo ezimqoka ezokuthuthukisa umnotho welizwe njalo ekhuthaza abantu ukuthi labo baphathuse ekwakheni ilizwe labo.

please wait

No media source currently available

0:00 0:04:14 0:00

‚Äč
XS
SM
MD
LG