amalinks wokungena

Breaking News

UMnangagwa Uthi Kumele Intathelizindaba Ziqaphele Ezikwethulela Uzulu


UMongameli Emmerson Mnangagwa
UMongameli Emmerson Mnangagwa

UMongameli Emmerson Mnangagwa uthi kumele intathelizindaba ziziphathe kuhle, zilobe ngendlela ekhuthaza ukuthula emphakathini njalo zingadungi umphakathi ngesikhathi eleZimbabwe lilungiselela ukhetho oluzaqhutshwa lonyaka.

UMnangagwa wethule amazwi la emathuneni amaqhawe ngoLwesine kungcwatshwa uChris Mushokwe, owake waphatha uhlangothi lukahulumende olubona ngokwethulwa kwemibiko.

Uthe kumele intathelizindaba zinanzelele ukuba konke ezikwethulela uzulu kubalwa ngabantu abehlukeneyo.

Usengcwatshiwe uChris Mushohwe
Usengcwatshiwe uChris Mushohwe

Ephendula amazwi kaMnangagwa, ingcwethi kwezombusazwe, uMnu. Charles Nyoni, uthe kumele abalobi bezindaba bethulele uzulu indaba ezimqotho sonke isikhathi njalo bengavinjwa nguhulumende.

UNyoni uthi kuyamangalisa ukuba uMnangagwa wethule amazwe la loba engakaze awuvule owakhe ngokukhahlanyezwa kwentathelizindaba eZimbabwe.

Kusenjalo, abakhulume bemele abemuli yakoMushohwe, amadodakazi kamuyi uPrincess lo Tanyaradzwa, bamchaze njengomuntu owayesesaba uNkulunkulu, elithanda ilizwe lakhe njalo engowayethakazelela ukuthuthukisa isizwe kwezemfundo.

‚Äč
XS
SM
MD
LG