Ukuxotshwa ebandleni le MDC-T okwenziwe umsekeli kamongameli webandla uMnu. Elias Mudzuri kutshiye lelibandla lidonselana amandla.
UMudzuri lenye inkokheli yebandla yaxotshwa kubandla leli ngemva kokuhambisa umkokheli webandla, uMnu. Douglas Mwonzora emthethwandaba besithi kasuke esihlalweni ngoba kakhethwanga ngokusemthetwheni.
NgoMvulo, uMwonzora uhle waxotshisa edale le Senate uMnu. Mudzuri.
UMudzuri labanye bakhe abaxotshwayo bathi kabayindawo.
Kodwa isikhulumeli salelibandla, uMnu. Witness Dube utshele uGaynor Gumede Sayidi weStudio Seven ukuthi uMudzuri labanye bakhe sebexotshiwe kodwa nxa befuna ukubuyela ebandleni kuyamele balandele indlela ehlelwe yisisekelo sombuso webandla kulabo abalezikhazo.
Njengoba iStudio Seven ingasekeli hlangothi sithinte omunye walabo okuthiwa sexotshiwe ebandleni le MDC-T, uMnu. Den Moyo ongumgcinisihlalo webandla leli ngapha kweleMelika saqala ngokumbuza ukuthi bona bathini ngaloludaba?