amalinks wokungena

Breaking News

UMongameli Mnangagwa Ukhuthaza Abatsha Ukuthi Batshiyane Lezidakamizwa Kunanzwa I-National Youth Day ELupane


Robert Mugabe National Youth Day
Robert Mugabe National Youth Day

Lumkhosi wenzelwe ekholitshini leLupane State University, esabelweni seMatebeleland North. Lokhu ngokwakuqala ukuthi uhulumende aqoqe umkhosi wabasakhulayo ngaphandle kwedolobho leHarare.

UMongameli Emmerson Mnangagwa ukhuthaze intsha ukuthi itshiyane lezidakamizwa ukuze ibe lekusasa enhle. Lokhu ukutsho emkhosini wabasakhulayo ababuye ngobunengi bevela ezigabeni zonke zelizwe, owokuthakazelela ilanga labatsha ele-Robert Mugabe National Youth Day ngolweSibili.

Lumkhosi wenzelwe ekholitshini leLupane State University, esabelweni seMatebeleland North. Lokhu ngokwakuqala ukuthi uhulumende aqoqe umkhosi wabasakhulayo ngaphandle kwedolobho leHarare.

Robert Mugabe National Youth Day
Robert Mugabe National Youth Day

UMongameli Emmerson Mnangagwa uthe ababhema lokuthengisa izidakamizwa bazabotshwa.

"Ozatholakala ethengisa izidakamizwa, uzabotshwa, avalelwe, apike okwesikhathi eside. Ngeke siyekele izidakamizwa zibulala abantwana bethu; sithi cha ngokubhema lokuthatha kwezidakamizwa"

UMnangagwa uyephambili esithi abasakhulayo bazothola imisebenzi kunhlelo zentuthuko ezihlelwa nguhulumende wakhe, njalo abangaphandle kwelizwe abalungele ukuphenduka ekhaya.

Robert Mugabe National Youth Day
Robert Mugabe National Youth Day

"Uhulumende wami usezilungiselele ukwamukela izizalwane ze-Zimbabwe ezixotshwa kwamanye amazwe, benze amabhizimisi abo, njalo imisebenzi izabakhona. Abasakhulayo bazathola imisebenzi hayi ukucabanga ukuya eGoli ukuyadinga umsebenzi."

UMongameli wabasakhulayo eZimbabwe, u-Child President Unathi Nyoni obekhona kulumkhosi laye uphathe udubo lokusetshenziswa kwezidakamizwa ngabasakhulayo.

"Indaba etshisayo manje emphakathini wethu uyabona ukuthi i Covid 19 uyathola ukuthi i-drug and substance abuse eyiyo e-affect ama-youth ethu kakhulu. So lapha besibaxwayisa ukuthi ukuze benelise uku-contributor positively to i-economy yethu, kumele bebe-sober minded. Kumele betshiyane lezidakamizwa. Ziyababambelela; zisibambela emuva njengelizwe. Sifunukuthuthukisa ilizwe lethu and ukuze lokhu kwenzakale ilizwe lakhiwa ngabantu balo. Kodwa angeke silakhe ilizwe sidakwe yizidakamizwa."

Omunye osakhulayo uSinanzeni Moyo, uthi ufunde okunengi ngobubi bezidakamizwa kulumkhosi.

"Namhlanje ngizwe kuthwa ama-drugs singakhuthazi esigabeni. Ukuthi ama-drugs awafunakali. Ngizazama uku ngizakhuthaza abanye bami ngezindawo ukuthi singabambi ama-drugs. Sihamba kakhulu kuma youth, angazi ukuthi yindaba kusenzakala khonokhu."

Omunye obekulumkhosi nguNkosinomusa Langa obevela eFilabusi.

Robert Mugabe National Youth Day
Robert Mugabe National Youth Day

"Namhla ontanga bakholisile kakhulu to be honest, ngoba one thing bathole i-advice kamongameli we-Zimbabwe, in terms of ukuthi banga abuse ama drugs and a lot of things eziyenza impilakahle yabo ibe phansi. And as ZANU PF youth league, thina we will continue supporting our President because siyakwazi ukuthi i-empowerment drive ayimisayo and everything as the rest of ama youths kuyasenzela sisiyaphambili."

URayton Masamba ngosakhulayo wakoBulawayo obekulumcimbi uthi udubo lwezidakamizwa ngeke luphele kungavinjwanga abazithengisayo

"Kumele sivale i-gap ye-supply; basically l think yikho lapho okule problem enkulu. Siyazi lapho athengiswa khona. Siyazi indlela angena ngakhona elizweni. Umthetho uba linient ebantwini: One i-charge yakhona maybe incane ukuthi umuntu uyahamba eye finder. Two: Bonalaba amapholisa abawayekelayo bekwazi because l think if we target abakhulu kuma-station ukuthi atholakala ngaphi."

Robert Mugabe National Youth Day
Robert Mugabe National Youth Day

Bekulabatsha abangafika inkulungwane ezilitshumi- 10,000 kulumkhosi. Lonyaka lolusuku lunanzwe phansi kwendikimba ethi "'Drug & Substance Abuse: A Threat to Vision 2030: Every Community's Responsibility.

Kulabanye abatsha abakade bekulumkhosi ababe lenhlanhla yamaswazi abanikezwe amaplazi lemali yokubaphathisa kunhlelo zokuthukisa amabhizimisi abo.

please wait

No media source currently available

0:00 0:04:09 0:00
‚Äč
XS
SM
MD
LG