amalinks wokungena

Breaking News

Izanuse Zomkhathi Zithi Izigaba zeMatabeleland South, eMasvingo kanye leManicaland Ziqaphele uTropical Cyclone Freddy


Amayezi ezulu.
Amayezi ezulu.

Izanuse zomkhathi zithi izulu leli lizakuna kakhulu endaweni ezigoqela iBeitbridge, Chimanimani, Chipinge, Chiredzi, Mwenezi, Chivi, Masvingo, Zaka leBikita njalo lilakho ukudala umonakalo omkhulu

Ugatsha olubona ngezomkhathi olweMeteorological Services Department luthi abantu ezigabeni ezitshiyeneyo zeMatabeleland South, eMasvingo kanye laseManicaland, kumele baqaphele ngoba kulezulu lesiphepho ezizakuna kusukela namuhla kuze kuyefika ngeSonto.

Izulu leli liphehlwa ngumthelela wesiphepho esesiphelelwe ngumfutho, eseTropical Cyclone Freddy, sona esikhangelelwe ukufikela kweleMozambique sivela olwandle.

Izanuse zomkhathi zithi izulu leli lizakuna kakhulu endaweni ezigoqela iBeitbridge, Chimanimani, Chipinge, Chiredzi, Mwenezi, Chivi, Masvingo, Zaka leBikita njalo lilakho ukudala umonakalo omkhulu.

Ngokunjalo, zithi abantu kumele baqaphele njalo bengaze baphuma emizini yabo nxa bebona izulu lithwele kanti njalo bengaze balinga ukweqa imifula egcweleyo.

Sixoxe lowake waba ngumeli weNkayi South edale lephalamende uMnu Abednico Bhebhe yena othi ngempela abantu kumele baqaphele.

please wait

No media source currently available

0:00 0:03:08 0:00

UGaynor Gumede Saidi we Studio Seven uxoxe lomqondisi wohlangothi lwezokulima, olwe Agritex, uMnu. Dumisani Nyoni.

please wait

No media source currently available

0:00 0:02:27 0:00

‚Äč
XS
SM
MD
LG