amalinks wokungena

Breaking News

UJill Biden Okwele Kenya Uzakwethula Umbiko Oqakathekileyo Ngempelaviki


UNkosikazi Jill Biden usefikile kwele Kenya
UNkosikazi Jill Biden usefikile kwele Kenya

WASHINGTON DC - UNkosikazi Jill Biden ufike kwele Kenya namuhla lapho amukelwe nguNkosikazi Rachel Ruto, emagcekeni endizamtshina eJomo Kenyatta International Airport.

Iphephandaba leStandard libika ukuba uNkosikazi Biden uzakwethekelela indawo ezimbalwa eziqhuba inhlelo ezisekelwa ngele Melika njalo lezinye ezigoqela ezokutshayelana imali, ukulondolozwa kwezemvelo lezabesifazana labatsha.

Ufike kwele Kenya ngesikhathi amazwe asempumalanga kuzwekazi leAfrica ebhekane lendlala eyesabekayo.

Ukhangelelwe ukuba uzaxoxa loMongameli William Ruto ngodaba lolu njalo langobudlelwano belizwe lakhe lele Kenya.

Uzakwethula umbiko wakhe oqakathekileyo ngoMgqibelo.

UNkosikazi Biden, obekwele Namibia lapho ancome uhulumende kaMongameli Hage Geingob, kukhanya ethakazelela kakhulu ukulondolozwa kwelungelo loluntu langokuthuthukisa abesifazana lamankazana.

Lokhu ngokwesithathu ukuba ethekelele kwele Kenya. Okwamanje ngokwakuqala ukufika kwakhe elizweni leli selokhu kwabusa umkakhe, uMnu. Joe Biden kwele Melika.

Omunye wabalandela uhambo lolu nguMnu. Effie Dlela Ncube, olwela ilungelo loluntu, othi bekuzaba kuhle ngabe uNkosikazi Biden wethekelela kwele Zimbbabwe.

UMnu. Joseph Tshuma, okubandla leZanu PF kudale leCentral Committee, uthi uNkosikazi Biden kumele atshele umkakhe ukuba esule izijeziso zenotho ezafakelwa inkokheli yebandla elibusayo.

‚Äč
XS
SM
MD
LG