amalinks wokungena

Breaking News

Abatsha Bathanyela eMpilo Hospital


Abanye abathanyele bahlanza indawo ezitshiyeneyo esibhedlela seMpilo General Hospital
Abanye abathanyele bahlanza indawo ezitshiyeneyo esibhedlela seMpilo General Hospital

BULAWAYO - Kulandela ukunanzwa kosuku lwabatsha mhlaka 21 Nhlolanja, abenhlanganiso yabesifazana abasakhulayo abePusheka Girl babe lohlelo lokuthanyela belondoloza ukuhlanzeka esibhedlela seMpilo koBulawayo.

Abasakhulayo laba, abesebenza lezinye inhlanganiso zamantombazana, bethanyele kumaward okulaliswa izigulane, bacenta phandle babutha lezibi kulesisibhedlela.

Babambisane labenhlanganiso yabongi eyeNurses24 Academy labe Green Earth Waste and Recycling batshiya isibhedlela sikhangeleka.

Abathanyele eMpilo Hospital ngoLwesihlanu.
Abathanyele eMpilo Hospital ngoLwesihlanu.

UNkosazana Makhosazana Ndiweni, owe Pusheka_girl, uthi, “Singabantu abatsha abale vision, singabantu abatsha abathandayo indawo lapha abakiyo. Sahlala phansi njengeqembu sabonisana ukuthi lapha okulesidingo singaphathisana kanjani and sananzelela ukuthi iMpilo yisibhedlela esikhulu lapho abantu abanengi abavela endaweni ezitshiyeneyo abalethwa khona nxa kuyikhuthi sebethole iproblem engan inkulu okukhangelene lezempilakahle.”

Ugcizlele esithi inhlanganiso yakhe ilenhlelo efuna ukuzenzela uzulu.

“Siyafisa ukuthi every month kube lento esiyenzayo ebambekayo for our community ukutshengisela ukuthi lathi siyabona okwenzakalayo phakathi kwethu and sifisa ukuthi isizwe sethu sonke laso sithuthuke njalo sibenefit from us.”

Omunye wabatsha obekumkhankaso wangoLwesine esibhedlela seMpilo nguNkosazana Vivian Moyo.

Bathole izicoco zokuthanyela lokwenza okutshiyeneyo eMpilo General Hospital, Friday, Feb 24, 2023
Bathole izicoco zokuthanyela lokwenza okutshiyeneyo eMpilo General Hospital, Friday, Feb 24, 2023

"Besincedise ngokudobha amaphepha ukusletcher utshani lokucleaner ikhitshini njengabatsha besifuna ukuthi sincedise lathi emphakathini sigcine indawo yethu ihlanzekile. Noma besingela okunengi but khonokho okuncane kusincedisile ukuthi siclean indawo yethu sicleane isbhedlela sethu."

UNkosazana Aleta Nyathi laye uthe, "Sasuka khonapho saya ema wadini sabancedisa uku cleaner ama ward, sabe sesiyadobha ama phepha phandle around the hospital safika sa slecher. Sasilabanye abangasibo malunga ePhusheka labe Nurses 24. Engibakhumbula kuhle i Nas has Got talent, Girl Up lamanye nje amalunga ama church ayekhona khonalapho."

Omunye wabaphathi besibhedlela seMpilo, uSkhwicamfundo Solwayo Ngwenya, ubonge kakhulu usizo abaluphiwe ngabasakhulayo laba.

Bakhokha umoya ...
Bakhokha umoya ...

“Siyabonga kakhulu ukucleaner lokhu okwenziwe ngabatsha yinto enhle ejabulisayo ukuthi senze impilo kahle yabantu bethu sigcine sisebenze kuhle abatsha labo bengaze batshona besenza into lokho osokuthwa ngama drugs besenza into engancediyo emilweni. So siyabonga kakhulu ukuthi nxa bethatha iskhathi bebuya bezonceda indawo lapho okulezigulani khona ezinjengesibhedlela sempilo ukuthi ba cleane labo kube kuhle siyabonga kakhulu."

Lanxa indikimba yalonyaka kusuku lwabatsha ibingeyokulwisana lezidakamizwa abasakhulayo be Pusheka_girl bathi bakubone kuqakathekile ukuthi baqhube uhlelo lokulondoloza ukuhlanzeka kwesibhedlela seMpilo njengendlela yokutshengisa abanye babo ukuthi kunengi ontanga abangakwenza besamelele ukuthola okokuziphilisa kulokuthatha izidakamizwa kumbe ukunatha utshwala.

XS
SM
MD
LG