Amabandla ezombusazwe asekhankasa ngamandla eZimbabwe ngesikhathi kulungiselelwa ukhetho oluzakwenziwa lonyaka. Amabandla aphikisayo athi kawakhankasi kahle ngexa yokwalelwa ngamapholisa ukuba aqoqe imihlangano kazulu.
UMnu. Gift Ostallos Siziba, umsekeli wesikhulumeli sebandla leCitizens Coalition for Change elikhokhelwa nguMnu. Nelson Chamisa, uthi bathwaliswe nzima ngamapholisa.
Lokhu kusekelwa nguNkosazana Nomzamo Precious Ncube, okubandla leli esigabeni seBulilima, othi akukabi lodlame lwezombusawe endaweni le.
Bayakhala labanye abakumabandla atshiyeneyo, abagoqela uMnu. Nhlanhla Moses Ncube, okumanyano weFreedom Alliance.
Kodwa ibandla leZanu PF lithi lona selingena kuzulu likhankasela ukhetho oluzayo. UMnu. Mlungisi Moyo lilunga lebandla leli.
UMoyo uthi kulabanye abakumabandla aphikisayo abaphehla ingxabano elizweni.
EleZimbabwe likhangelelwe ukuba lizakwenza ukhetho olukhulu lonyaka. Kasenelisanga ukukhuluma lamapholisa ngodaba lolu.