amalinks wokungena

Breaking News

IZanu PF Ithi Izanqoba Kukhetho Oluzakwenziwa Lonyaka


UMnu. Chris Mutsvangwa loMnu. Tafadzwa Mugwadi
UMnu. Chris Mutsvangwa loMnu. Tafadzwa Mugwadi

WASHINGTON - Ibandla leZanu PF lithi lizanqoba kukhetho oluzayo.

Lokhu kwethulwe nguMnu. Chris Mutsvangwa, isikhulumeli sebandla leli kusanda kugqitshwa umhlangano omkhulu ngoLwesithathu owebandla leli owePolitburo, okhokhelwe nguMongameli Emmerson Mnangagwa.

UMutsvangwa kunengi osokwenziwe nguMnangagwa, osethuthukise ilizwe ngendlela ebukekayo selokhu wangena esikhundleni.

Uthe ibandla le-ZANU-PF alilasizatho sokuphambanisa amabandla aphikisayo ngoba alelungelo lokukhankasa ekhululekile.

Kubuye kwakhethwa amanye amalunga eyisikhombisa eCouncil of Elders, azakhokhelwa nguMnu. Sydney Sekeramayi. Abanye abakuhlangothi lolu nguMnu. Josiah Hungwe, uMnu. Maboyi Ncube loMnu. David Parirenyatwa.

Kusenjalo, uMnu. Alan Makone, umgcinisihlalo wogatsha olubona ngezokhetho kubandla eliphikisayo eleCitizens Coalition for Change, utshele iStudio 7 ukuthi, okwamanje, ibandla labo liphezu kohlelo lokukhankasela ukuthi izizalwane zeZimbabwe ziyebhalisa ukuvota abalubiza besithi yi-Operation Mgwazo/REAP.

UMakone uthe umsebenzi weZEC ngowokubona ukuthi wonke umuntu ofisa ukuyabhalisa ukuvota, ayabhalisa kungelahlupho.

Uthe kusobala ukuba iZEC iziquthele ngokukhuthaza langokubona ukuba abantu babhalisela ukuvota ezabelweni zonke zelizwe.

XS
SM
MD
LG