amalinks wokungena

Breaking News

Lidingani eleMelika Lele Russia eZimbabwe Ngesikhathi Kulungiselelwa Ukhetho Olukhulu?


Frederick Shava and Ambassador Scott
Frederick Shava and Ambassador Scott

WASHINGTON DC - Isithunywa sakwele Meluka, uAmbassador Robert Scott, ukhangelelwe ukuba uzakhulumisana kabanzi leziphathamandla zikahulumende weZimbabwe ngokuba lombuso okhululekileyo, ukhetho oluzakwenziwa lonyaka kanye lokulondolozwa kwelungelo loluntu.

Le ngeminye yemizamo eyenziwa nguhulumende kaMongameli Joe Biden, osanda kuthuma uNkosikazi Jill Biden kwele Kenya lakwele Namibia, ukwenzela ukuvuselela ubudlelwano beMelika lamazwe ezwekazi leAfrica.

UAmbassador Robert Scott uthunywe nguMongameli Joe Biden. (VOA)
UAmbassador Robert Scott uthunywe nguMongameli Joe Biden. (VOA)

EleMelika izolo liqinise izijeziso zenotho ezetheswa inkokheli yebandla leZanu PF lisithi kulabanye abakhuthaza ubudlova lokunye okungaqondanga eZimbabwe.

Kusenjalo, eleRussia lithumele iqula labaphathintambo bakahulumende labosomabhizimusi, abafisa ukutshala imali yabo kwele Zimbabwe. Abantu laba, bakhulumisana ngokutshiyeneyo lohulumende kaMnangagwa.

Omele eleRussia othunywe nguMnu. Vladmir Putin, umkhokheli wakwele Russia.
Omele eleRussia othunywe nguMnu. Vladmir Putin, umkhokheli wakwele Russia.

EleRussia selisabalele kuzwekazi leAfrica lapho elidinga ukusekelwa kulandela ukuhlasela kwalo eleUkraine.

UMnu. Joseph Tshuma, okudale leCentral Committee kubandla leZanu PF, uthi kuqonde nta okwenziwa ngele Russia eseladlelana lele Zimbabwe okwesikhathi eside.

Izithunywa zakwele Russia leziphathamandla zeZimbabwe. (VOA)
Izithunywa zakwele Russia leziphathamandla zeZimbabwe. (VOA)

UTshuma usole okwenziwe ngele Melika esithi baxoxisana leziphathamandla zikahulumende bona beqinisa izijeziso zenotho.

UMnu. Thabang Nare, ingcwethi kwezombusazwe, uthi akukhanye lakancane okungenziwa ngele Russia eZimbabwe kulokuthi batshontshe okwenjiwayo bencediswa yiziphathamandla zikahulumende.

XS
SM
MD
LG