amalinks wokungena

Breaking News

Amabandla Ezombusazwe Athi Abantu Kumele Bebhalisela Ukuvota Kuhlelo Olutsha olweZimbabwe Electoral Commission


Abatsha ababhalisele ukuvota eMasvingo
Abatsha ababhalisele ukuvota eMasvingo

WASHINGTON - Amabandla atshiyeneyo asekhankasa ngamandla okwamanje ngesikhathi kulungiselelwa ukhetho oluzayo.

Ibandla leZanu PF lele Citizens Coalition for Change athi adinga usekelo emaphandleni lemadolobheni lapho okukhangelelwe ukuba iZimbabwe Electoral Commission izaphuma ijumo kusukela mhlaka 12 Mbimbitho ibhalisa abazavota kukhetho oluzayo.

Umsekeli wesikhulumeli sebandla leCCC, uMnu. Ostallos Siziba, uthi kuqakathekile ukuba abantu bebhalisele ukuvota.

Ibandla leZapu lalo lilungiselela ukhetho lolu. UMnu. Msongelwa Ndlovu, isikhulumeli sebandla leli, uthi sebedinga abazancintisa kukhetho oluzakwenziwa lonyaka.

Uthi amapholisa aphazamisa imikhankaso yabo.

UMnu. Mqondisi Moyo, okhokhela ibandla leMthwakazi Republic Party, uthi bakhankasa nzima.

Uthi sokulesikhathi bevinjwa ngamapholisa aqwala kudala ukuba thwalisa nzima.

Kodwa uMnu. Believe Gaule, okubandla leZanu PF, uthi ibandla lakhe selidinga abazalimela.

Kukhangelelwe ukuba amabandla amanengi azancintisa kukhetho oluzayo.

‚Äč
XS
SM
MD
LG