Indodakazi kamuyi, uMnu. Robert Mugabe, uBona, uthi ufuna ukuphiwa imali engamadola angu us$8000 ngenyanga ngobengumkakhe, uSimba Chikore nxa umtshado wabo ungacitshwa.
UBona, olabantwana abathathu lo Chikore, uthi ngamunye umntwana kuzamele abethola imali engamadola azinkulungwane ezifika phose ezintathu, us$2 700.
Iphephandaba leHerald lithi emaphepheni awethule emthethwandaba ubona uthi balempahla abayithenga bobabili enengi kakhulu.
Ucele umthethwandaba ukuthi ungaphi obengumkakhe abantwana kodwa avunyelwe ukubabona kabili nje kuphela ngenyanga.
Ubona uthi isizatho sokwehlukana yizenzo zomyeni wakhe abezenza ngaphandle komtshado kodwa kazibethanga lezi zenzo.