Umanyano weZimbabwe Christian Alliance uthi ukhuthaza abangakabhaliseli ukuvota ukuthi benzenjalo ngokuvakatshela ezititshini lapho okufanele bebhalise khona phambilini kohlelo lweVoter Registration Exercise olukhangelelwe ukuqhutshwa kusukela mhlaka 12 kusiya ku21 kuyonale inyanga.
Ikhomishini ebona ngokuqhutshwa kokhetho eyeZEC ithi iphakathi kwamalungiselelo aloluhlelo njalo iphakathi kokufundisa abantu abazaqhuba loluhlelo elizweni lonke.
Kodwa inhlanganiso ezizimeleyo zithi kufanele ziphathise ekusabalaliseni ulwazi ngaloluhlelo ngoba kulabanye abalokhe bengelalwazi njengoba i-ZEC ingafinyeleli umuntu wonke.
Ukuze sizwe okunengi ngaloludaba, uSithandekile Mhlanga weStudio 7 uxoxe loMnu. Nqobizitha Donga, umqoqi wenhlelo kumanyano wenhlanganiso yezinkonzo eyeZimbabwe Christian Alliance.
Lokhe sikudaba lwezokhetho, ibandla le CCC selisole imthethwandaba yelizwe ngokusekela uhlangothi lwe Zanu PF ikakhulu ngokuthatha isinqumo sokuthi ugwalo lwe voters’ roll lungaphiwa muntu.
Sixoxe lomunye wabaskeli besikhulumeli sebandla leli, uMnu. Felix Magalela Mafa Sibanda.
Facebook Forum