amalinks wokungena

Breaking News

Ibandla leCCC Lithi Lizaphikisa Isinqumo seHigh Court Esokuvumela iZEC Ukuthi Ingavezi iVoters Roll


Zimbabwe Electoral Commission
Zimbabwe Electoral Commission

WASHINGTON DC - Umeli weHarare North ephalamende njalo elilunga leCCC uMnu Allan Markham uthi uzaphikisa isinqumo somthethwandaba weHigh Court esokuthi iZimbabwe Electoral Commission (ZEC) iqondile ngokwala ukwethula uluhlu lwabantu abalelungelo lokuvota olutholakala ebulenjini, olwe-electronic voters roll.

UMarkham ubecele linkantolo ukuthi iphoqe iZEC ukuthi imuphe i-voters roll ukuze ayicubungule abone ukuthi akukho okungaqondanga kuyo yini phambilini kokhetho.

Kodwa umahluli uthe ingethulelwa uzulu i-voters roll, ilakho ukuphathwa kubi yizigilamkhuba, okuyinto esekelwa ngabebandla leZanu PF.

Kodwa umkhokheli weCCC uMnu Nelson Chamisa ukusolile lokhu esithi akulakhetho olungaqhutshwa ngendlela esuthisayo njalo ekhululekileyo ngaphandle kokuthi abancintisayo babone i-voters roll ngaphambilini.

Udaba lwe-voters roll lolu solubangele ukufuthelana okukhulu phakathi kweCCC leZanu PF.

Ukuhlaziya loludaba sixoxe lelunga leZanu PF uMnu Believe Gaule endawonye lelunga leCCC uMnu Abednico Bhebhe, onguye osungula lingxoxo.

please wait

No media source currently available

0:00 0:05:27 0:00
‚Äč
XS
SM
MD
LG