WASHINGTON - Izithunywa zika Mongameli Emmerson Mnangagwa zikhangelelwe ukuba zizafika kwele South Africa kusasa lapho ezizancedisa khona ukubisela ekhaya abadabuka eZimbabwe, abazehluleka ukulungisa amaphepha amatsha okuhlala lokusebenza kulelolizwe amaphepha abo aweZimbabwe Exemption Permits angaphelelwa yisikhathi ngoNhlangula.
UMnu. David Hamadziripi, ophethe isigodlo seZimbabwe kwele South Africa, uthi izithunywa lezi zizaqala umsebenzi ngoMvulo.
Utshele uJonga Kandemiiri weStudio 7 ukuba izithunywa lezi zizanceda abantu ngendlela ezitshiyeneyo.
Abantu abazinkulungwane ezedlula ikhulu lamatshumi ayisikhombisa - 178,000 kumele belungise amaphepha abo amatsha kungakafiki ekupheleni kuka Nhlangula.
UMnu. Bongani Mkhwanazi, isikhulumeli senhlanganiso yeZimbabwe Community in South Africa, uthi kabazi lutho ngezithunywa lezi.