amalinks wokungena

Breaking News

Umqondisi Wenkampani Yamaphephandaba uTrevor Ncube Uthi uNelson Chamisa Kalasithunzi Sokuba Ngumkhokheli weZimbabwe


UMnu. Nelson Chamisa
UMnu. Nelson Chamisa

WASHINGTON - UMnu. Trevor Ncube, umqondisi wenkampani yezindaba eyeAlpha Media Holdings, uthi uMnu. Nelson Chamisa kalasisindo sokuba ngumkhokheli njalo abanye bakhe bachothoza indlela akhokhela ngayo ibandla leCitizens Coalition for Change.

UNcube, owethule umbiko lo namuhla enkundleni yeTwitter, uthi uChamisa kazilutho ngezombusazwe ngakho-ke abantu kumele bevotele uMnu. Robert Chapman, okhokhela ibandla leDemocratic Union of Zimbabwe.

Uphinde wathi abantu abakunhlanganiso ezitshiyeneyo labo bachothoza indlela uChamisa akhokhela ngayo ibandla leCCC.

Kodwa abakubandla leCCC bathi uNcube usenga ezimithiyo ngoba usedlelana lebandla elibusayo.

Abanye njalo abakubandla leCCC bathi kumele akhangele okuhlupha izisebenzi zakhe kuphephandaba aqoqela iNewsDay, The Zimbabwe Independent, leThe Standard, abakhala ngokungaphiwa iholo ngemfanelo.

Kasenelisanga ukukhuluma loNcube kanye leziphathamandla zebandla leCCC ngoba bebengaphenduli omakhalekhukhwini.

‚Äč
XS
SM
MD
LG