WASHINGTON - Sezifikile kwele South Africa izithunywa zika Mongameli Emmerson Mnangagwa ezizanceda abalamaphepha eZimbabwe Exemption Permits aphela isikhathi ngoNhlangula.
Kasenelisanga ukukhuluma ngodaba lolu loMnu. David Hamadziripi, omele eleZimbabwe kwele Zouth Zfrica.
Kodwa uMnu. Kennedy Mandaza, isikhulumeli sebandla leZanu PF kwele South Africa, uthi abantu laba abafike ngoMgqibelo bakhangelelwe ukuba bazabhoda ilizwe lonke bekhulumisana labalamaphepha la abafisa ukubuyela eZimbabwe.
Uhulumende kaMnangagwa uthi uzanika abafisa ukubuyela ekhaya umhlabathi njalo asungule inhlelo ezitshiyeneyo zezizalwane lezi ezifika inkulungwane ezilikhulu lamatshumi ayisitshiyangalombili – 178,000.
UMnu. Ngqabutho Mabhena, okunhlanganiso yeZimbabwe Community in South Africa, uthi kabakakhulumi lezithunywa lezi eziqala umsebenzi ngoMvulo.
Uhulumende wakwele South Africa wathi kumele amaphepha eZimbabwe Exemption Permits aphelelwe yisikhathi ngoNhlangula.
Abasebenzisa amaphepha la bagoqela abasebenza emakhitshini, emawoteleni, endaweni zokudlela labanye.