Umthethwandaba wakwele South Africa ukhangelelwe ukwahlulela ngenyanga ezayo udaba lwezizalwane zeZimbabwe ezilama permits asezaphela umsebenzi kulelolizwe.
Inhlanganiso yabezindaba eye news24 ithi ngolwesithathu inhlanganiso ezitshiyeneyo ezikhankasela ukwesulwa kwesiqondiso sokuthi amapermit angasengelelwa isikhathi sokusebenza zihlangene ekolitshini le Univervisty of Cape Town.
Lezinhlanganiso zitshelwe ukuthi udaba olusemthethwandaba luzathethwa ngenyanga ezayo lanxa uhulumende wayevume ukwengezelela isikhathi samapermit la kusukela ngomnyaka odluleyo kuze kube ngunhlangula wona lo umnyaka.
Lokhu kwenzakala iqula likahulumende elizobonisana labafuna ukuphenduka ekhaya liqala namuhla ukufinyelela izigaba zonke zakwele South Africa likhulumisana labe Zimbabwe.
Sixoxe lesikhulumeli senhlanganiso elwela ilungelo lezizalwane zezimbabwe, eye Zimbabwe Community in South Africa, uMnu. Bongani Mkhwananzi.
Facebook Forum