amalinks wokungena

Breaking News

Abesilisa Abasemhlanganweni weUnited Nations Basekela Inhlelo Zabesifazana


UMnu. Daniel Molokele
UMnu. Daniel Molokele

WASHINGTON - Abesilisa abesemhlanganweni womanyano wamazwe womhlaba owe-United Nations Commission on the Status of Women (CSW67), oqale ngeviki ephelileyo eNew York kwele Melika, bathi kuqakathekile ukuthuthukisa abesifazana.

Omunye wabasemhlanganweni lo, uMnu. Daniel Molokele, omele iHwange Central edale lephalamende ekubandla leCCC, uthi kunengi okumele kwenziwe eZimbabwe lakwamanye amazwe ukuze kuthuthukiswe abesifazana.

UMolokele uyingxenye yequla leZimbabwe elisemhlanganweni lo oqakathekileyo.

Abanye abasemhlanganweni lo nguNkosikazi Monica Mutsvangwa, umphathintambo kahulumende obona ngokwethulwa kwemibiko eZimbabwe, uNkosikazi Sithembiso Nyoni, ophethe uhlangothi lukahulumende olubona ngokuthuthukiswa kwabesifazana, labamele inhlanganiso ezitshiyeneyo ezizimeleyo.

UMutsvangwa uthi kuqakathekile njalo ukuba abesifazana besebenzise imisakazo ukwenzela ukuzithuthukisa.

‚Äč
XS
SM
MD
LG