Umongameli Emmerson Mnangawa lamuhla ukhangelelwe ukukhuluma lezinduna ezivela ezigabeni zonke zelizwe ezithe gwaqa edolobheni lakoBulawayo emhlanganweni oqhutshwa minyaka-yonke, owe National Chiefs Conference oqalise izolo.
Induna ezivela kuzigaba zonke zelizwe zithe gwaqa kulumhlangwano, oqalise izolo, lapho ezikhulume ngokuzihluphayo, okubalisa iholo eliphansi, ukusilela kwemota zokuhambisa, indlala, imigwaqo efileyo, ukwenjiwa kwamatshe aligugu ngokungekho emthethweni lokwabiwa komhlaba.
Ezinye induna ezihlala phandle kwakoBulawayo zitshele iStudio 7 ukuthi ziswele indawo yokulala ngeSonto njalo umphathintambo kahulumende uMnu. July Moyo uxolisile ngaloludaba.
UMnu. Greater Vodloza Sibanda, ingcwethi kwezamasiko utshele uSithandekile Mhlanga weStudio 7 ukuthi umongameli Mnangagwa ulakho ukukhulumangodaba lweGukurahundi kulumhlangano. Uqala ngokuchasisa ngokuqakatheka kwalumhlangano.
