amalinks wokungena

Breaking News

Abantwana Bawela Egodini Ekilasini Eligejwe Ngotsheketsha Abadinga Igolide


Children were injured when the floor of their classroom collapsed into a manmade gold mining pit dug by illegal gold panners
Children were injured when the floor of their classroom collapsed into a manmade gold mining pit dug by illegal gold panners

WASHINGTON - Abantwana abayisithupha abakuGrade 5 balimele namuhla kulandela ukuwobokela kwalapho akade behlezi khona ekilasini eGlobe and Phoenix Primary School eKwekwe.

Abantwana laba bathwalelwe esibhedlela seKwekwe General Hospital. Uhlangothi olubona ngezokwethulwa kwemibiko luthi lokhu kudalwe ngabemba igolide abagebhe ngaphansi kwekilasi lapho abantwana abazibone sebewela egodini elikhulu.

Abemba igodi kubikwa ukuba ngotsheketsha akade belandela umthambo wegolide.

UMnu. Taungana Ndoro, isikhulumeli sohlangothi lukahulumende lwezemfundo, uthi basadingisisa ukuba kwenzakaleni esikolo lesi.

Umphathintambo wesabelo seNkabazwe, uMnu. Larry Mavhima, utshele iStudio 7 ukuthi uhulumende usevale isikolo lesi ukwenzela ukuhlolisisa udaba lolu.

UMnu. Maclean Nyamucherera, ukhansila wendawo okulesikolo lesi, uthi abantwana abafunda eGlobe and Phoenix Primary School bazahanjiswa kwezinye izikolo ngesikhathi kusahlolisiswa okwenzakale kulindawo.

UMnu. Rogers Chisi, owayengumeya wedolobho leRedcliff, uthi kuyethusa okwenziwa ngotsheketsha eKwekwe lapho okwenjiwa igolide endaweni ezinengi.

Lokhu kusekelwe nguMnu. Joseph Tshuma, okubandla leZanu PF njalo oyingcwethi yokwemba okutshiyeneyo.

‚Äč
XS
SM
MD
LG