amalinks wokungena

Breaking News

IBosso Ithenga Abadlali Abatsha Abagoqela Umdlali Owenza Izimanga uMelikhaya Ncube


Umsekeli womqeqetshi weqembu leHighlanders, uAntonio Torres, lokaputeni weBosso, uAriel Sibanda.
Umsekeli womqeqetshi weqembu leHighlanders, uAntonio Torres, lokaputeni weBosso, uAriel Sibanda.

BULAWAYO - Iqembu lomdlalo wenguqu eleHighlanders selikhuphe uluhlu lwabadlali abazalidlalela lonyaka.

Iqembu leHighlanders namuhla lethule uluhlu lwabadlali abangamatshumi amabili lanhlanu - 25 abazalimela kumidlalo yalonyaka kusigaba seCastle Lager Premier Soccer League. Lokhu kuza phambilini kokuqala kwemidlalo eyeligi eyalonyaka yona ezaqala kuyonale impelaviki ezayo njalo iqembu leBosso lizadlala leleZPC Kariba ngaseMagumeni.

Umsekeli kamqeqetshi weqembu leHighlanders, uAntonio Torres, uthi kuqakathekile ukuba abalandeli baleliqembu basekele abadlali labo.

“Sithanda ukumema abalandeli beqembu ukuthi babuye benze inkundla yeBarbourfields kube angani kusegehena kumaqembu esidlala lawo. Kumele babuye ngobunengi babo ngoba kuyisifiso sethu ukuba lathi sibenze bezigqaje ngeqembu lethu. Kuyisicelo sethu ke ukuba babuye bezosibukela ngoba siyabadinga ngempela.”

Inengi labadlali abakuluhlu lolu olwabadlali abangamatshumi amabili lanhlanu ngabadlali abadlalela iqembu leHighlanders nyakenye. Kulabahlanu kuphela abatsha. Laba ngababalisa uCalvin Chigonero, ovele kuqembu leTalen Vision, uMarvelous Chigumira, obedlalela iqembu leTelOne, uBrighton Manhire, obedlala elizweni leSouth Africa, kanye labakade bekuqembu leBulawayo City nyakenye - uElshamar Farasi loMelikhaya Ncube.

UKaputeni weqembu leHighlanders, uAriel Sibanda, laye ukhuthaze abalandeli ukuba basekele iqembu mihla yonke.

“Ngizakutsho khonalokhuyana esijwayele ukukutsho vele ukuba kasibuyeni ngobunengi sizosekela ithimu yethu, akula okunye.”

UPeter Muduhwa, umsekeli kaSibanda, uthi kuqakathekile ukuthola usekelo oluvela kubalandeli beqembu.

Akula midlalo enzima ngokubona kwami. Thina kuphela okumele sikwenze yikuba sihlohle siphinde njalo sivikele isango lethu ukuze singahlohlwa. Abalandeli bethu labo kumele babe lathi loba kunzima ngoba kwesinye isikhathi nxa siyenelisa ukungahlohli umdlalo uqala bebe sebekhalala.

Akulunganga khonokho, kumele abalandeli babekezele.

Abanye abadlali abakuluhlu olwethulwe namhla liqembu leHighlanders ngababalisa onozinti uAriel Sibanda, uRaphael Pitisi kanye loReward Muza, imvimbi kulo Muduhwa, uAndrew Mbeba, uAndrew Tandi, uArchford Faira, uMbongeni Ndlovu, uGodfrey Makaruse, kanye lo Gillian Nyathi, abadlali baphakathi kwenkundla kulo Rahman Kutsanzira, Darlington Munkuli, Prince Ndlovu, McKinnon kanye lo Mason Mushore, Ray Lunga kanye loDevine Mhindirira, abagadli kuloStanley Ngala, Lynoth Chikuhwa kanye loWashington Navaya.

XS
SM
MD
LG