amalinks wokungena

Breaking News

Ngizimisele Ukuxoxisana loMnangagwa, Kodwa Hatshi Ngokubumba Uhulumende Wenkazatho, Kutsho uChamisa


UMnu Nelson Chamisa loMongameli Emmerson Mnangagwa
UMnu Nelson Chamisa loMongameli Emmerson Mnangagwa

WASHINGTON DC - Umkhokheli weCCC uMnu Nelson Chamisa uthi uzimisele ukukhulumisana loMongameli Emmerson Mnangagwa, kodwa hatshi ngodaba lokubumba uhulumende wenkazatho kumbe ukusebenza ndawonye.

UChamisa wethule amazwi la ngoMvulo emhlanganweni awenze labasekeli bebandla lakhe eChinhoyi kulandela ukukhuthazwa kwakhe yinduna uChief Charumbira ukuthi ahlale phambi akhulumisane loMnangagwa ukuze basebenzelane ndawonye bathuthukise ilizwe.

UCharumbira ubekhuluma emngcwabeni kanina kaMeya weHarare olilunga leCCC uMnu Jacob Mafume. Wengeze wathi kuyadingeka njalo ukuthi uChamisa loMnangagwa basebenzelane ndawonye njengoba bengabohlobo lwesiKaranga.

Kodwa ibandla likaChamisa lithi inkulumo elizifuna loMnangagwa ngezokukhulumisana ngokumele kulungiswe phambilini kokhetho, hatshi ukungena kuhulumende womanyano.

Ukuhlaziya loludaba sixoxe lomkhokheli wenhlanganiso elwela amalungelo oluntu eyeIbhetshu likaZulu uMnu Mbuso Fuzwayo, yena othi yinto edanisayo ukuthi uCharumbira akhuthaze ukwehlikaniswa ngemihlobo kwezombusazwe ngokuthi uChamisa loMnangagwa kumele basebenze ndawonye ngoba bonke bengamaKaranga.

please wait

No media source currently available

0:00 0:03:17 0:00
‚Äč
XS
SM
MD
LG