WASHINGTON - Ibandla leZanu PF lithi asekuzinga eliphezulu amalungiselelo okhetho lwama primaries oluzaqhutshwa ngoMgqibelo.
Kuyaxokozela kubandla leli okulabanye ababambe izikhundla zamakhansila lamalunga edale lephalamende abangafuni ukuphikiswa ngabantu abafisa ukuncintisa kukhetho oluzayo.
Kubikwa ukuba kulokuxokozela okumangalisayo phakathi kwabafisa ukumela ibandla leli eNkabazwe, eMashonaland West leMasvingo.
Kasenelisanga ukukhuluma ngodaba lolu loMnu. Christopher Mutsvangwa, isikhulumeli sebandla leZanu PF, obengaphenduli umakhalekhukhwini. Kusenjalo, ibandla leCCC lithi lalo selilungiselela ukhetho lokudinga abazalimela kukhetho oluzayo.
UMnu. Swithern Chiroodza, isikhulumeli sebandla leCCC koBulawayo, uthi bazaqhuba ukhetho oluzathakazelelwa nguzulu.