amalinks wokungena

Breaking News

UKamala Harris Wethekelela eGhana Ngesikhathi eleMelika, Russia leleChina Edinga Ubudlelwano Obutsha Lezwekazi leAfrica


UNkosikazi Kamala Harris loMongameli Nana Akufo-Addo
UNkosikazi Kamala Harris loMongameli Nana Akufo-Addo

WASHINGTON - Umsekeli kamongameli wakwele Melika, uNkosikazi Kamala Harris, ukwele Ghana namuhla lapho ancome khona umbuso kaMongameli Nana Akufo-Addo lokuthuthuka kwamabhizimusi abesifazana labatsha.

Abezindaba abeReuters babika ukuba uHarris utshele intathelizindaba esigodlweni selizwe leli ukuba ufisa kube lenthuthuko kuzwekazi leAfrica njalo uzulu athole ukudla ngendlela eqondileyo.

Wethekelela kwele Ghana ngesikhathi lithwele nzima kwezomnotho kanye lezomvikela. Ilizwe leli lingcelelane lamanye amazwe asekelwa ngele Russia elisebenzisa inkampani yamasotsha eyeWagner Group elwisana lamalwecatsha.

UHarris ukhulumisane loAkufo-Addo ngodaba lolu njalo langokuthengiselana impahla etshiyeneyo phakathi kwele Melika lele Ghana.

Esuka kwele Ghana uzakwethekelela kwele Tanzania lakwele Zambia lapho azakhuluma lenkokheli ngobudlelwano beMelika lamazwe la. EleChina lele Russia sephose agxila impande kuzwekazi leAfrica.

EleMelika alikuthakazeleli lokhu. UMnu. Thabang Nare, ingcwethi kwezombusazwe ezimeleyo, uthi kulusizi ukuba iziphathamandla zakwele Melika kazethekeleli eZimbabwe.

‚Äč
XS
SM
MD
LG