amalinks wokungena

Breaking News

Ibandla leCCC Selilungiselela Ukukhetha Abazalimela Kukhetho Oluzaqhutshwa Lonyaka


Douglas Mwonzora
Douglas Mwonzora

HARARE - Ibandla eliphikisayo eleCitizens Coalition for Change (CCC) lithi uzulu uzazikhethela abazalimela kukhetho olukhulu oluzayo.

UMnu. Gift Ostallos Siziba, umsekeli wesikhulumele sebandla leCCC, uthe okukhetho lwama primaries bezakutshiya ezandleni zikazulu.

“Esizakuqakathekisa ngabantu abavela ebantwini. Sikhathele ngabantu abavela kubukhokheli. ICCC imela abantu, sizalandela okufunwa ngabantu. Nxa ufuna ukumela iCCC isebenza labantu.”

Umsekeli walowo obona ngezokhetho kubandla leli, uNkosikazi Ellen Shiriyedenga, uthe uhlelo lolu luzaqala ngeviki ezayo.

“Sesibeke ukuba mhlaka 5 kuviki ezayo sizangena ezigabeni lapho esizakhuluma Labantu abesonto abezikolo labanye abazasitshela ukuba sivake bani.”

Amabizo alabo abazakhethwa nguzulu wonke azaphiwe ikhomithi ebizwa ngokuthi yi-Independent Selection Panel nxa kulabantu ababili bazamele bakhulumisana kuthi nxa kwehlule ugatsha lweCCC National Assembly luzakutsho ukuba ngubani ophumeleleyo.

Ingcitshi ecubungula ezombusazwe, uMnu Bekezela Gumbo, uthi uvemelana lalindlela yokukhetha inkokheli ngoba izavela ebantwini.

“Yindlela eyasitshenziswa e Africa eyokukhetha ivela ebantwini hatshi kunkokheli. Bazakhetha abantu ngendlela abayibonayo ngiboane engane izenza baze lenkokheli abayifunayo.”

Kodwa isakhamuzi se Harare, uMnu Peter Ncube, osekela ibandla leli, uthi kavumelani lalindlela yokukhetha abazabamela kukhetho lwelizwe.

“Angiboni ukuthi indlela leyi isebenza ngoba nxa singavotanga kuzangena abantu abangeke benelise umsebenzi. Sizafakelwa abantu yinkokheli kulokuba sizikhethele.”

Ibandla le ZANU PF lenzile olwayo ukhetho lwama primary elections ngempelaviki edluleyo lanxanje kulokukhonona kwabanye abanqotshiweyo besithi aluqhutshwanga ngemfanelo. Kunje sokumelelwe idale le Politburo laleli bandla ukuthi lethule amagama abaphumeleleyo. Kuthi ibandla leMDC T elikhokhelwa nguMnu. Douglas Mwonzora lithi lizaqala uhlelo lwayo lwamaPrimary elecctions ekupheleni kwayonale inyanga.

XS
SM
MD
LG