HARARE - Amapholisa eZimbabwe athi asesungule uhlangothi oluqondane lokuphatha izehlakalo zodlakela kwezombusazwe ezingenzakala phambilini kokhetho oluzayo.
Amapholisa athi kawasoze ebandlulule amabandla ezombusazwe ekuvimbeni udlakela elizweni ngesikhathi sokhetho.
Lokhu kuphume emhlanganweni eHarare ngoLwesihlanu obuqoqwe yinhlanganiso yentathelizindaba eyeZimbabwe Union of Journalists (ZUJ).
Unobhala wenhlanganiso le, uMnu. Perffect Hlongwane, uthi bakubone kuqakathekile ukuba bekhulume lamapholisa ngodaba lolu.
Isikhulumeli samapholisa, uAssistant Commissioner Paul Nyathi, obesemhlanganweni lo uthe bazavimba ukuba kubelodlakela elizweni ngesikhathi sokhetho.
UNkosazana Ellen Shiriyedenga, umsekeli kanobhala wohlangothi olubona ngezokhetho kubandla leCitizens Coalition for Change, uthi bazoyicela isivuthiwe kulokho okutshiwo ngamapholisa.
Isiphathamandla senhlanganiso yeZimbabwe Democracy Institute, uMnu. Bekezela Gumbo, uthi kuyinto enhle nxa bezazifeza lezi zithembiso amapholisa.
UNyathi utshele njalo lumhlangano ukuba amapholisa azoguqula indlela yokudlelana kwabo lentathelizindaba kulumsebenzi.
UThabani Dube, oyintathelizindaba esebenza izimele, uthi ulethemba lokuthi amapholiba bazalandela izithembiso zabo.
Lumhlangano owenzelwe endaweni yeTheatre in the Park, eHarare, ungenwe ngabamele inhlanganiso ezitshiyeneyo ezigoqela amapholisa, i-Election Resource Centre Zimbabwe lozulu.