amalinks wokungena

Breaking News

Otsikamtanda Batshiya Izakhamizi ze Igusi eNyamandlovu Zitshywa Ngumoya Kulandela Ukusuka Kwabo


Inkomo.
Inkomo.

UMnu. Ndlovu uthi ngempela abantu bayazikhethela kodwa kulokwethuselwa njalo kufanele befundiswe amalungelo abo ukwenzela ukuthi kube lokuhlalisana kuhle esigabeni.

Izakhamizi zeIgusi eNyamandlovu eMatabeleland North zithi sezitshaywa ngumoya okwamanje kulandela ukuhlaselwa ngabadinga abathakathi abaziwa ngokuthi ngoTsikamutanda kumaviki ambalwa edluleyo njalo bathemba ukuthi abasoze bephenduke futhi ngoba besethusela izakhamizi njalo bebathathela izifuyo lemali.

UMnu. Discent Ndlovu, isikhamuzi salindawo, uchasisa ngokwenziwa ngoTsikamutanda laba, athi basebenzela endlini kasobhuku.

Kodwa usobhuku walindawo uNkosikazi Grace Mpofu uthi abantu abaphoqwa ukuthi baye kuboTsikamutanda.

Lokhu kugcizelelwe nguKhansila Johannes Sibanda wakulindawo.

UMnu. Ndlovu uthi ngempela abantu bayazikhethela kodwa kulokwethuselwa njalo kufanele befundiswe amalungelo abo ukwenzela ukuthi kube lokuhlalisana kuhle esigabeni.

Asenelisanga ukukhuluma laboTsikamutanda laba, induna, amapholisa kumbe umlisa walindawo ngaloludaba.

Idale labaphathintambo bakahulumende eleCabinet lanquma ukuthi ukusebenza kwaboTsikamutanda emphakathini akukho emthethweni njalo kufanele amapholisa labakhokheli bomdabu bengabavumeli ukusebenza emphakathini.

please wait

No media source currently available

0:00 0:04:37 0:00

‚Äč
XS
SM
MD
LG